Меню
16+

Сетевое издание "Району яшаву"  «Будни района»

13.11.2020 09:28 Пятница
Категория:
Если Вы заметили ошибку в тексте, выделите необходимый фрагмент и нажмите Ctrl Enter. Заранее благодарны!

Тергевлер юрюле

Автор: Багьавутдин Самадов

Районну башчысы Магьмут Амиралиев алдагъы гюнлерде Къарабудагъгент юртну ичинде къурулагъан социал къурулушлагъа ва онгарылагъан ишлеге оьзюню тергевюн болдургъан.

Ачыкълашдырып айтсакъ, районну башчысы М.Амиралиев Къарабудагъгент юртну башчысыны орунбасары А.Гьажиев булан бирче гьалы бузукъ сув быргъыны онгарылывуна тергев этген. Демек, ноябр айны 6-ндан 8-ине ерли «Заммай» микрорайонда сувлар къайтарылгъан ва ремонт ишлер юрюлген. А.Гьажиев эсгерген кюйде, онгарылма тарыкълы ер оьз болжалында онгарылгъан.

Олай да, юртда Абакаровну атындагъы орамгъа асфальт салынмагъа башлангъан. Бугюнлерде асфальт кёпюрню ва къабурланы къырыйындан оьтеген гесекге салынып тура.

«Гетген йыл тротуарны арив кюйде ремонт этген эдик. Бу йыл буса ёлгъа асфальт салабыз. Шо – юртну гёзеллигин болдуражакъ», — деп эсгере районну башчысы М.Амиралиев.

Тергевню барышында районну башчысы М.Амиралиев «Бекенез» стадионда да болгъан. «Местные инициативы» деген программагъа гёре, ДР-ни экономика ва территориал оьсюв министерлигинден таба стадионну янгыртмагъа харж гёрсетилген.

Шо гюн районну башчысы М.Амиралиевни Къарабудагъгент юртну башчысыны орунбасары А.Гьажиев, спорт ва физкультура бёлюкню ёлбашчысы З.Умаракъаев, район Жыйыныны депутаты М.Багьриев ва технадзорну жаваплы къуллукъчусу стадионну къурулушуна мекенли кюйде тергев этген.

Олар спортчулар учун чабагъан ёлну салмакъны ва шонда спортчуланы ата-аналары да оьзлени савлугъун беклешдирмеге болагъаны гьакъда лакъыр этген. Оьтген йыл эсгерилген стадионну янында яшлар ва ата-аналар учун хас майданча къурулгъан.

ГАИ постну янында, Къарабудагъгент юртгъа гирип гелеген ерде гёзел бина къурула тура. Шо бинада гележекде 250 гиччипав тарбияланмагъа ва билим алмагъа гёз алгъа тутула. Эсгерилген яшлар баву «Демография» деген пачалыкъ программагъа гёре къурула ва бу йылны ахырына битмеге герек.

Шо гюнгю сапарында районну башчысы ва ону узатагъанлар яшлар бавуну къурулувуну барышына да оьзлени тергевюн болдургъан.

Добавить комментарий

Добавлять комментарии могут только зарегистрированные и авторизованные пользователи. Комментарий появится после проверки администратором сайта.

3