Меню
16+

Сетевое издание "Району яшаву"  «Будни района»

09.10.2020 09:36 Пятница
Категория:
Если Вы заметили ошибку в тексте, выделите необходимый фрагмент и нажмите Ctrl Enter. Заранее благодарны!

Юртну гёзеллиги

Автор: Багьавутдин Самадов

Октябр айны 6-нда районну башчысы Магьмут Амиралиевни ёлбашчылыгъы булан район центрны гёзеллигине тергев болдурмакъ учун хас рейд оьтгерилди.

Шо чарада районну башчысы булан бирче РФ-ни Къарабудагъгент райондагъы МВД-ни бёлюгюню ёлбашчысы Г.Гереев, район администрацияны аппаратыны ёлбашчысы Д.Имакъов, архстройнадзор ва сатыв-алыв къуллукъну ёлбашчысы И.Шихаев, маълумат технология бёлюкню ёлбашчысы А.Къурбанов, баш архитектор А.Гьажиев, Къарабудагъгент юртну башчысыны орунбасары А.Гьажиев оьзлени ортакъчылыгъын болдурдулар.

Оьтгерилген чараны барышында районну башчысы ва ону узатагъанлар Къарабудагъгент юртгъа гирип гелеген ёлланы, юртну баш ва орта орамланы архитектура гёрюнюшюне ва къурулушланы ёрукълашывуна аслу тергевюн болдурдулар.

Районну башчысы Магьмут Амиралиев тергев болдурагъан вакътисинде ёл ягъадагъы ва адамлар юрюйген тротуарлардагъы къурулуш ва оьзге чёпню ва насны барлыгъын ва шоланы тайдырмагъа тарыкълыгъын аян этди.

Олай да, ол ерни тюбюнден чыгъагъан сувланы ёрукълашдырмагъа ва къаравсуз къалгъан къурулуш биналаны гьайын этмеге тапшурду.

Озокъда, оьрде эсгерилген бузукъ ва танкъыт ишлер юртну архитектура гёрюнюшюн бузагъандан къайры да, санитар ва эпидемиология нормаланы ва талапланы да буза. Шо буса, законну бузагъанын ачыкъ эте.

Оьтгерилген рейдни ахырында районну башчысы Магьмут Амиралиев, район администрацияны управлениелерини ва бёлюклерини ёлбашчыларына къурулуш нормаланы ва юртну архитектура гёрюнюшюн бузагъан бузукълукъланы алдын алмагъа тапшургъан сонг, полицияны къуллукъчуларына ва Къарабудагъгент юртну администрациясына ватандашланы талапларын ва борчларын яшавгъа чыгъармагъа гереклигин аян этди.

Районну башчысы оьзюню буйрукъларын кютмеге 1 ай болжал берди.

Добавить комментарий

Добавлять комментарии могут только зарегистрированные и авторизованные пользователи. Комментарий появится после проверки администратором сайта.

11