Ёлугъув оьтгерилди
Алдагъы гюн районну башчысы Магьмут Амиралиев «Темиркъазыкъ Кавказны оьсюв Корпорациясыны» ачыкъ жамиятыны делегациясы булан ёлукъгъан. Делегацияда Корпорацияны генеральный директоруну орунбасары Михаил Логинов, гендиректорну ойчусу Нурали Ризванов, шо къурумну Дагъыстан республикадагъы вакили Руслан Къазимагьамматов ёлдашланы районну далапчылары, уллу инвесторлары булан ёлугъуву болгъан.
Ёлугъувну барышында Корпорацияны инвестиция проектлерини шартларын арагъа салып ойлашгъанлар.
Корпорацияны вакиллери кампанияны имканлыкълары, борчлары гьакъда маълумат бергенлер. Олар далапчылыкъ яшавгъа чыгъарма гёз алгъа тутгъан проектлеге федерал, регионал институтлары этеген якълавлардан, кредит къурумланы кёмеклеринден пайдаланма болушлукъ этме болагъанын англатгъан.
Районгъа гелген къонакълар биринчилей юрт хозяйство, балыкъчылыкъ, пайдалы маъданланы чыгъарыв ва оьзге инвест проектлер якълав табагъанын англатгъан.
Ёлугъувда ортакъчылыкъ этген инвесторлар, далапчылар гелген къонакълагъа оьзлер ишлейген тармакълагъа не йимик якълавлар алма болагъаны гьакъда кёп тюрлю соравлар бергенлер.
Ёлугъувну барышында гележекде гьар тюрлю тармакъларда тыгъыс байлавлукъда ишлеме сёйлешгенлер.
Добавить комментарий
Добавлять комментарии могут только зарегистрированные и авторизованные пользователи. Комментарий появится после проверки администратором сайта.