Меню
16+

Сетевое издание «Будни района»

09.10.2020 09:27 Пятница
Категория:
Если Вы заметили ошибку в тексте, выделите необходимый фрагмент и нажмите Ctrl Enter. Заранее благодарны!

Тергевню тюбюнде

Районда гьар тюрлю программалар булан кёп ишлер этилип тура. Районну башчысы, район администрацияны жаваплы къуллукъчулары ерлерде къурулуп турагъан къурулушларда ишлени барышын, этилеген ишлени сан янын тергевню тюбюнде сакълайлар.

Октябр айны 2-нде районну башчысы Магьмут Амиралиев Дёргели юртдагъы къурулушланы барышын тергеп чыкъгъан.

М.Амиралиев, биринчилей, «Культура» деген программа булан юртдагъы маданият уьйге этилеген ремонт ишлени барышын тергеген. Бугюнге бинаны исси этеген быргъыларын алышдырып битген, шпаклевка ишлер тамамланма аз къалгъан. Бинаны облицовка этив ишлер давам этиле.

Дёргели юртда районну башчысы М.Амиралиев болгъан экинчи къурулуш – «Демография» программагъа гёре 200 яшгъа ери булангъы яшлар бавуну къурулушу.

Бугюнге мунда яшлар бавуну къалкъысын ябыв ишлер юрюлюп тура. Трансформатор къурашдырылгъан, ток теллени яслиге къошмакъ учун тийишли къурумлардан ихтияр алма тарыкълы кагъызланы онгарып туралар. Яслини ичиндеги уьйлеге тел тартыв, ич тамланы бегитив ишлер узатыла.

Подрядчик билдиреген кюйде, къурулуш ишлени чалтлашдырмакъ муратда ишге адам гюч алма имканлыкъ барын билдирген. Биринчилей ишге ерли адамлар алынагъанын англатгъан.

Добавить комментарий

Добавлять комментарии могут только зарегистрированные и авторизованные пользователи. Комментарий появится после проверки администратором сайта.

3