Меню
16+

Сетевое издание «Будни района»

09.10.2020 09:22 Пятница
Категории (2):
Если Вы заметили ошибку в тексте, выделите необходимый фрагмент и нажмите Ctrl Enter. Заранее благодарны!

Генгеш оьтгерилди

Автор: Калимат Элмурзаева

Алдагъы гюн, октябр айны 1-нде,­ Къарабудагъгент районну социал сиясат управление, маданият, яшёрюмлеге ва туризмге къарайгъан бёлюк ЦТКНР- ни ёлбашчылары булан бирликде генгеш оьтгерди.

Оьтгерилген генгешни гюнлюк низамынында маданият къуллукъчулар биринчилей профсоюз къурумуну ёлбашчысын айырыв, маданият къурумлар карантин заманда нечик шартларда ишлеген кюю, объектлеге паспортлар берив ва «Культура» деген милли проектге гёре оьтгерилип турагъан ремонт ишлени масъалаларына къаралды.

Маданият къурумланы профкомуну председателин айырыв масъалагъа гёре, районну социал сиясат управлениесини ёлбашчысы Гюлжанат Темирова Аданакъ юрт ЦТКНР-ны ёлбашчысы У.Келеметованы, Дёргели юрт ЦТКНР-ны ёлбашчысы С.Тагьированы, маданият, яшёрюмлеге ва туризмге къарайгъан бёлюгюню ёлбашчысы Н.Мурзаеваны кандидатураларын аян этди.

Генгешни юрюшюнде ачыкъ тавуш берив булан профкомну ёлбашчысы этилинип Н.Мурзаева сайланды.

Олай да, оьзюню сёйлевюнде Гюлжанат Темирова Дагъыстан республиканы маданият министри З.Бутаева Къакъашура ва Дёргели юртлардагъы маданият къалаларда оьтгерилип турагъан капитал ремонт ишлерини барышын тергев этгени гьакъында оьзюню ойларын айтды.

Генгешни ЦТКНР-ни ёлбашчылары карантин заманны ичинде оьтгерилген ишлерини гьакъында хабарлады.

Демек, карантин гийирилген вакътиде районну маданият къурумларыны къуллукъчулары интернетден таба тувра эфирлер ва видеороликлер этип, чаралар оьтгере эди.

Бугюнлерде Къарабудагъгент районну маданият къурумлары Рос­потребнадзор булан бирликде иш гёрюп тура.

Генгешни ахырында маданият, яшёрюмлеге ва туризмге къарайгъан бёлюкню ёлбашчысы Н.Мурзаева бары да къурумланы ёлбашчыларына ДР-ни Роспотребнадзоруну таклифлерин юрютмекни гьакъында дагъы да эсгерди.

Добавить комментарий

Добавлять комментарии могут только зарегистрированные и авторизованные пользователи. Комментарий появится после проверки администратором сайта.

5