Меню
16+

Сетевое издание "Району яшаву"  «Будни района»

30.10.2020 09:43 Пятница
Если Вы заметили ошибку в тексте, выделите необходимый фрагмент и нажмите Ctrl Enter. Заранее благодарны!

Саякъ гьайванланы масъаласы

Адатлангъан кюйде, октябр айны 27-синде, талатгюн, район администрацияны жыйынлар оьтгерилеген уллу залында районну администрациясыны аппаратыны гезикли генгеши оьтгерилди. Генгешни ишинде районну администрациясыны управлениелерини ва бёлюклерини ёлбашчылары, олай да юртланы башчылары оьзлени ортакъчылыгъын болдурдулар.

Генгешни ачгъан ва юрютген районну башчысы Магьмут Амиралиев районну ичиндеги саякъ гьайванланы масъаласы гьакъда баянлыкълар бермек учун районну юрт хозяйство управлениесини ёлбашчысы Шагьабутдин Мустапаевни трибунагъа чакъырды. Районну юрт хозяйство управлениесини ёлбашчысы эсгерген кюйде, 2016-нчы йылда районну Жыйыныны депутатлары районну топуракъларында отлайгъан гьайван-малны гьакъында хас къарар къабул этген болгъан.

Демек, шо къараргъа гёре, гьайван-малны къаравсуз ва саякъ йибермеге ярамай, олай да жамиятны гьайван-малы отламакъ учун юрт администрацияланы башчылары ва юрт Жыйынланы депутатлары хас отлавлукълар белгилеме герек болгъан.

Ш.Мустапаев берген баянлыкълагъа гёре, Гьели ва Губден юртларда къаравсуз ва саякъ айланагъан гьайван-малны гьайын этеген хас гюплер къурулгъан ва иш гёре болгъан.

Юрт хозяйство управлениени ёлбашчысы бугюнлерде районну башчысы къабул этген къарарны гьакъында да баянлыкълар берди. Демек, юрт хозяйство управлениени ичинде дагъы да 4 адам ишге алынгъан. Шо адамлар саякъ ва къаравсуз къалгъан гьайванланы тутмагъа ва оланы сакъламагъа борчлу. Тек, къоду этилеген хас гюренге гийирилген гьайвандан биринчи гюнге 3320 манат, къалгъан гюнлеге буса, гьар гюнюне 2520 манат къоду алынажакъ.

Районну юрт хозяйство управлениесини ёлбашчысы Ш.Мустапаев оьзюню сёйлевюн тамамлай туруп, ноябр айны башында эсгерилген ишчилер районну ичиндеги юртларда айланагъан саякъ гьайванланы. малланы тутмагъа ва олагъа къодулар салмагъа башлажакъ.

Оьтгерилген генгешни гьасилин чыгъара туруп, районну башчысы Магьмут Амиралиев оьзюню пикруларын аян этди. Демек, ону сёзлерине гёре, юртланы башчылары, инг башлап, жамиятны гьайван-малы отламакъ учун хас отлавлукълар гёрсетмеге ва белгилемеге борчлу. Олай да, гьайван-мал юрюйген ёлланы ва жыйылагъан гюренлени гьайында да къалмакъны тапшурду.

Эсгерилген масъаланы алгъасавлу болжалны ичинде яшавгъа чыгъармакъны юртланы башчыларына таклиф этген сонг, районну башчысы Магьмут Амиралиев орамларда, ёл-бойларда айланагъан саякъ гьайванлар ёл-транспорт хатаба­лагьланы болувуна себепли экенлигин ва олар чачылгъан тарлавлагъа зарал этегенлигин ачыкъ этди.

Добавить комментарий

Добавлять комментарии могут только зарегистрированные и авторизованные пользователи. Комментарий появится после проверки администратором сайта.

3