Гьаракаты гёрмекли
Октябр айны 10-нда уьлкебизни тахшагьары Москвада муаллимлени гюнюне багъышланып, 2005-2014-нчю йылларда тувгъан дзюдоистлени арасында ачыкъ ярышлар оьтгерилген. Шо ярышда Къарабудагъгент ДЮСШ-синде тренерлер Нариман Гьамитовну, Жанболат Салиховну ва Гьасанхан Къадиевни уьйретивлери булан дзюдо ябушувгъа уьйренип юрюйген кочаплары да ортакъчылыкъ этгенлер ва олардан кёплери алдынлы ерлени де къазанып, ерлерден гелип ортакъчылыкъ этген командаланы арасындан бизин Къарабудагъгент ДЮСШ-ни командасы 1-нчиликни алма да бажаргъан.
Команданы уьюрлеринден 28 кило авурлукъда ябушгъан Агьмат Салихов, 24 кило авурлукъда ябушгъан Имран Тавлуев, 42 кило авурлукъда ябушгъан Алибек Къагьруманов, 24 кило авурлукъда ябушгъан Жанболат Паталиев 1-нчи ерлени алгъан. 55 кило авурлукъда ябушгъан Анвар Хайруллаев, 50 кило авурлукъда ябушгъан Магьамматмурат Гьамитов, 39 кило авурлукъда ябушгъан Алиярбек Абужаев, 30 кило авурлукъда ябушгъан Имам Гьамзатов– булар дёртюсю де шо ярышларда 2-нчи ерлеге ес болгъан. 36 кило авурлукъда ябушгъан Назим Къыявов буса 3-нчю ерни къазангъан.
* * *
17-18-нчи октябрде Краснодар крайны Саки шагьарында Советлер Союзуну эки керен игити Агьматхан Солтанны эсделигине багъышланып, яш дзюдоистлени арасында Бютюнроссия ярышы оьтгерилген. Юрюлген шо ярышда ортакъчылыкъ этген яш кочапларыбыз: 42 кило авурлукъда ябушгъан Алибек Къагьруманов – 1-нчи, 24 кило авурлукъда ябушгъан Жанболат Паталиев буса 3-нчю ерлени къазанып гелгенлер.
* * *
Октябр айны башында Дербент шагьарда 2004-2006-нчы йылларда тувгъан дзюдоистлени арасында эсгерилген шагьарда биринчилик учунгъу ачыкъ ярышлар юрюлген.
Къарабудагъгент ДЮСШ-сини уьюрю Алибек Къагьруманов шо ярышларда ортакъчылыгъын болдургъан ва оьзюню 46 кило авурлугъундагъы кочаплар булан гюч сынап, 3-нчю ерни къазанып къайтгъан.
Оьрде атлары эсгерилген бары да яш дзюдоистлерибизни ва оланы ябушувну къайдаларына уьйретип юрюйген тренерлерин спорт ярышларда етишген гезикли уьстюнлюклери булан къутлайбыз!
Добавить комментарий
Добавлять комментарии могут только зарегистрированные и авторизованные пользователи. Комментарий появится после проверки администратором сайта.
