Меню
16+

Сетевое издание «Будни района»

30.10.2020 08:58 Пятница
Категория:
Если Вы заметили ошибку в тексте, выделите необходимый фрагмент и нажмите Ctrl Enter. Заранее благодарны!

Экинчи ерни алды

Автор: Калимат Элмурзаева

Артдагъы йылларда яшланы арасында ёл юрюш булан байлавлу хатабалагьлар артып тербей.

Шону токътатмакъ учун бизин республикада тюрлю-тюрлю чаралар оьтгериле.

Шолай, октябр айны 23-нде Магьачкъала шагьарда «Верны ЮИДовской стране–2020» деген ЮИД агит бригадаланы республика конкурсу оьтгерилди.

Шо гюн конкурсда Буйнакск, Къарабудагъгент, Къаягент, Хум­торкъали, Сергокъала районланы, Магьачкъала, Буйнакск, Избербаш, Каспийск, Къызылюрт шагьарланы командалары ортакъчылыгъын болдурду.

Конкурсну аслу мурады ёл юрюшню низамын болдурув, къаравсуз къалгъан яшёрюмлер булан профилактика ишлер оьтгерив, школадагъы охувчулагъа ёл юрюшню правилоларын уьйретив ва ёлларда болагъан хатабалагьланы кемитив эди.

Шо гюн яшлагъа ёл юрюшге байлавлу кёп тюрлю конкурслар оьтгерилди.

Къарабудагъгент райондан ­оьтгерилген конкурсда Дёргели 2 номерли орта школаны командасы да ортакъчылыкъ этди ва экинчи ерге ес болду.

Дёргели юртну башчысы конкурсда алдынлы ерге ес болгъан яшланы къутлай туруп, юрт администрацияны атындан олагъа грамоталар тапшурду.

Олай да, эсгерилген школаны директору да командада ортакъчы­лыкъ этген яшланы алдынлы ери булан къутлап, грамоталар ва савгъатлар берди.

Добавить комментарий

Добавлять комментарии могут только зарегистрированные и авторизованные пользователи. Комментарий появится после проверки администратором сайта.

3