Арагъа салынып ойлашылды
Октябр айны 23-нде Къарабудагъгент районну башчысы Магьмут Амиралиев оьзюню иш кабинетинде Манасгент юртда Каспий денгизни ягъасында ерлешген «Леззет» санаторийни масъалаларын арагъа салып ойлашгъан. «Леззет» санаторийде аслу гьалда юрек, къатынгиши, «опорно-двигательный аппарат», тыныш алыв, ЖКТ санланы, нерв ва экдокринный системаланы аврувларына багъа.
Пансионатда 5 корпус бар, олар бир заманны ичинде 1000 адамны къабул этип ва бирче багъып бола.
Пандемияны заманында буса санаторийде коронавирус инфекциядан авруйгъанлагъа багъа эди. Буссагьатда да онда лечение этегенлер бар. Шо гюнгю генгешде район администрацияны аппаратыны ёлбашчысы Жамалутдин Имакъов, районну башчысыны биринчи орунбасары Ибрагьим Абдулмежитов, депутатланы район Жыйыныны председатели Бекболат Сахаватов, ЦРБ-ни баш врачы Расул Гьиравов, районда «Россети» къурумну ёлбашчысы Залибек Гьарумов, «ДЭП-17» ОАО-ну инженери Болат Муташев, топуракъ ва мюлк аралыкълагъа къарайгъан бёлюкню ёлбашчысы Солтан Халилов, «Леззет» санаторийни вакили Аминат Нурбагьандова ва «Берекет» деген СПОК-ну вакили Р.Магьамматов ортакъчылыкъ этди.
Арагъа салынгъан масъалаланы гьакъында гьариси оьзюню ойларын айтып битген сонг, районну башчысы М.Амиралиев генгешни гьасиллерин чыгъарып сёйледи, идараланы ёлбашчыларына гётерилген масъалаланы къысгъа болжалны ичинде чечмекни тапшурду.
Добавить комментарий
Добавлять комментарии могут только зарегистрированные и авторизованные пользователи. Комментарий появится после проверки администратором сайта.
