Меню
16+

Сетевое издание «Будни района»

23.10.2020 09:10 Пятница
Если Вы заметили ошибку в тексте, выделите необходимый фрагмент и нажмите Ctrl Enter. Заранее благодарны!

Юзюмчюлерибизни гьасиллери къуванчлы

Автор: Шихав Къайирбеков

Бугюнлерде районну юзюмчюлюк хозяйстволарында юзюм гесив узатыла. Амма юзюм гесивню тамамлагъан предприятиелер, сабанчы-фермер агьлюлер де бар. Юзюмчюлер, механизаторлар, тармакъны касбучулары борланы гьар-бир къуллукъларын агротехника гёрсетеген болжалларда сан янлы кютме, аврувланы-зиянлы жанланы алдын алыв чараланы оьтгеривге мекенли тюшюнюп битгени гьис этиле. Этилген къуллукълагъа, гёрюлген чаралагъа гёре участкалардагъы тюшюм юрекни къувандыра.

Районда юзюм гесивню гьакъында районну хозяйст­во управлениесини баш агроному Магьамматшапи Абдулвагьапов булай дей:

- Бу йыл районну юзюмчюлери гюнешни емишини рекордун жыйма гёз алгъа тутуп ишлейлер. Районда юзюм гесив кампания тамамланма ювукъ бола бара. Буссагьатгъы вакътиде 11 минг тон юзюм жыйылгъан. Гьар гектар орта гьисапда 108 центнер тюшюм берген. Участкаларыбызны шолай тюшюмлюлюгю булан 2020-нчы йылда 13 минг тон юзюм къайтарма умут этиле. Шо гетген йылгъы гьасиллеринден 1,1 минг тонгъа артыкъ.

Булай гьасиллеге районубузну юзюмчюлери юзюмлюклени майданларын ­ге­нг­лешдирив, юзюмню оьр тюшюмню жураларын орнатыв, юзюм болдурувда алдынлы технологияланы, тамчы къайдада сугъарыв ва оьзге чараланы гёрюв болушлукъ этген. Озокъда, юзюмлюклени майданларын генглешдиривде, юзюм болдурувну артдырывда гьукуматны янындан гёрюлген чараланы, борла орнатагъанлагъа этилеген кёмеклени, якълавланы да гьи­сапгъа алмай къойсакъ, дурус болмас.

Бу йылны гьава шартлары да юзюмчюлюк тармакъны къуллукъчулары учун онгайлы геле. Шо саялы да юзюмню сан яны, татлилиги яхшы. Районну юзюмчюлери эрте бишеген 2,5 минг тон юзюмню тас этивсюз сатывгъа чыгъарма бажардылар.

Районда бар юзюмлюклерибизни авадан яны – орта болжалда бишеген «Молдова» жура юзюм. Адамлар оьзлени участкаларындагъы юзюмню республикадан тышгъариге алып баралар. 5 минг тондан къолай юзюм уьлкени регионларына гетгендир.

2020-нчы йыл ишлетме 4 минг тон юзюм берме умут бар. Шо гетген йыл бергенинден 500 тонгъа артыкъ. Заводлар юзюмню техника ва «Молдова» жураларын килосун 18-21 манатгъа ала. Шо гетген йылгъы багьалардан 2-3 манатгъа артыкъ.

Ондан къайры да 2020-нчы йылда районну юзюмчюлери 1,5 минг тондан къолай юзюмню сакълавгъа салма къаст эте.

«Кавгин» деген СПОК гетген йыл ДР-ни юрт хозяйство ва сурсат министерлигини линиясындан таба 800 тон емишлер сакъланагъан ер къурма грант утгъан. Бугюнге битген биналарында 400 тондан къолай юзюм сакълавгъа салынгъан.

468 федерал закон гюч­ге гиргенден сонг, бу йыл юзюмге талап хыйлы артгъан. Юзюмню алда бир де алмайгъан кампаниялар да алма башлагъан. Бу – сююнчлю агьвалат. Буссагьатгъы вакъти сан янлы юзюмню багьасы яхшы гётерилген.

Юзюмчюлюк тармакъда ишни яхшы янгъа бурулуву, артгъан талап районну юзюмчюлерини ругьун гётере ва юзюмчюлюк тармакъны дагъыдан-дагъы оьсдюрмек учун гюч бере.

Добавить комментарий

Добавлять комментарии могут только зарегистрированные и авторизованные пользователи. Комментарий появится после проверки администратором сайта.

3