Меню
16+

Сетевое издание «Будни района»

23.10.2020 09:30 Пятница
Категория:
Если Вы заметили ошибку в тексте, выделите необходимый фрагмент и нажмите Ctrl Enter. Заранее благодарны!

Юрт безендириле

Октябр айны 19-нда «Къарабудагъгент район» муниципал районну башчысы Магьмут Амиралиев, районну баш архитектору Абдулла Гьажиев булан бирликде райцентрны ортасында ерлешген межитни айланасындагъы территориягъа къарап чыкъгъанлар.

Тергевлени барышында районну башчысы М.Амиралиев районну баш архитекторуна шо ерни гёзеллешдирмекни проектин тизмек ва проектни яшавгъа чыгъармакъ учун 2021-нчи йылда «Местные инициативы» деген программада ортакъчылыкъ этме тапшурув берген.

Районну баш архитектору А.Гьажиев эсгереген кюйде, бу проектни яшавгъа чыгъыву – ватандашлар талап этеген гёзелликни болдурув, ял алма онгайлы ер. Оьзюню сёйлевюн давам эте туруп, А.Гьажиев шу территорияны безендиривню проектини вариантларын эки жуманы ичинде гьазирлеме къаст барлыгъын билдирген.

Шу проектни заманында онгарывну ва яшавгъа чыгъарывну районну башчысы М.Амиралиев оьзюню тергевюню тюбюне алгъан. Газетни охувчуларыны эсине салабыз: бу йыл «Местные инициативы» деген программа булан районну территориясында 10 объектде къурулуш ишлер башлангъан.

Этилеген ишлеге гёрсетилген харжлар – 40 миллион манат.

Юртлулар райцентрны гёзеллигин, безендиривюн болдурмакъ учун гьаракат этип айланагъан районну башчысы М.Амиралиевге, бажарывлу касбучу, районну баш архитектору А. Гьажиевге баракалла билдирелер.

Бу ердеги межит юртну жагьиллерини гьаракаты, сиптечилиги булан амалгъа гелген. Шо гьаракатда районну баш архитектору А.Гьажиевни аслам къошуму бар.

Добавить комментарий

Добавлять комментарии могут только зарегистрированные и авторизованные пользователи. Комментарий появится после проверки администратором сайта.

8