Меню
16+

Сетевое издание «Будни района»

23.10.2020 09:28 Пятница
Категория:
Если Вы заметили ошибку в тексте, выделите необходимый фрагмент и нажмите Ctrl Enter. Заранее благодарны!

Шатлы чара

Октябр айны 15-нде Магьачкъала шагьардагъы Дослукъну уьюнде Россияны къатынларыны Союзуна 30 йыл болагъанына багъышланып, шатлы чара оьтгерилди. Ёлугъувда ДР-ни Гьукуматыны председателини орунбасары Анатолий Карибов, ДР-ни Халкъ Жыйыныны председателини орунбасары Елена Ельникова, министерликлени ва ведомстволаны ёлбашчылары, олай да Къатынланы Союзуну регион бёлюгю ортакъчылыкъ этди.

Къарабудагъгент райондан шо чарада районну башчысыны янындагъы къатынгишилени Союзуну ёлбашчысы Гюлжанат Темирова ортакъчылыгъын болдурду. Чараны ачгъан ва юрютген А.Карибов Россияны къатынгишилерини Союзу инг де уллу, терен тамурлары ва бай тарихи булангъы жамият къурум экени гьакъда эсгерди. Олай да, 2018-нчи йыл Союзгъа РФ-ни Президентини Къарары булан жамият-пачалыкъ къурум деген гьюрметли даража берилгенин айтды. А.Карибов Союзну уьюрлери бары да милли проектлени яшавгъа чыгъарывда актив кюйде ортакъчылыкъ этегенни эсгерди.

«Бугюнлерде къатынгишилер бары да жамият ва сиясат ишлерде толу ихтиярлы ва гьаракатчы уьюрлер гьисапда чалыша ва иш гёрсете. Олар Дагъыстанны жамият ва пачалыкъ ишлеринде эргишилер булан бире-бир ишге къуршала, касбу бажарывлугъун артдыра… »,- дей А.Карибов.

Чарада Россияны къатынгишилерини Союзуну савгъатлары, демек, эсделик медалы тапшурулду. Савгъатлангъанланы арасында бизин районлу Г.Темирова да бар эди.

Биз огъар гележекде дагъы да уллу уьстюн­люклеге етишмекни ёрайбыз.

Добавить комментарий

Добавлять комментарии могут только зарегистрированные и авторизованные пользователи. Комментарий появится после проверки администратором сайта.

4