Меню
16+

Сетевое издание "Району яшаву"  «Будни района»

23.10.2020 09:03 Пятница
Категории (2):
Если Вы заметили ошибку в тексте, выделите необходимый фрагмент и нажмите Ctrl Enter. Заранее благодарны!

Шашки-шахмат ойнагъанлар

Автор: Абдуллабек Самадов

Октябр айны 17-18-нде Къарабудагъгентни «Олимп» спорткомплексинде районну спорткомитетини ва Гьалимовланы агьлюлерини сиптечилиги булан районда айтылгъан шахматистлени бириси Камил Гьалимовну эсделигине багъышланып тез ойнайгъан шахматдан ва шашки оюнлардан районда ачыкъ ярышлар оьтгерилген. Юрюлген шо ярышларда районну юртларындан ва хоншу Къаягент райондан гелген спортчулар да булан 20 шахматист ва 10-гъа ювукъ шашки ойнавчулар ортакъчылыкъ этгенлер.

Эки гюнню узагъында юрюлген шо ярышлар дослукъну ва къурдашлыкъны шартларында оьтгерилген. Ярышланы гьасиллерине гёре шахмат оюндан: къарабудагъгентли Жанболат Самадов – 1-нчи ерге, Руслан Сефербеков (Паравулдан) – 2-нчи, Ягьия Ягьияев (Сирагиден) 3-нчю ерлеге ес болгъанлар. Шашки оюнлардан буса: районну айтылгъан шашки оюнчусу Гьажимурат Алиев – 1-нчи, Магьамматнаби Сайитов – 2-нчи, Ибнуямин Алигишиев буса 3-нчю ерлени алгъанлар. Ярышларда алдынлы ерлени алгъан оюнчулар спорткомитетни янындан грамоталар, медаллар, кубоклар булан; Гьалимовланы къавум-къурдашларыны янындан буса багьалы савгъатлар булан савгъатлангъанлар.

Добавить комментарий

Добавлять комментарии могут только зарегистрированные и авторизованные пользователи. Комментарий появится после проверки администратором сайта.

3