Меню
16+

Сетевое издание «Будни района»

23.10.2020 09:12 Пятница
Категория:
Если Вы заметили ошибку в тексте, выделите необходимый фрагмент и нажмите Ctrl Enter. Заранее благодарны!

Алдынлы ерлени алгъанлар

Автор: Абдуллабек Самадов

Бу йылны октябр айыны 9-нда Владимир шагьарда спортну ушу-саньда къайдасындан Россияны чемпионаты ва биринчилик учунгъу ярышлары оьтгерилген. Шо ярышларда Къарабудагъгент ДЮСШ-синде тренерлер болуп загьмат тёгеген Болат Гьажиевни, Умалат Салаватовну, Уллубий Гьалимовну алдында ябушувланы къайдаларына уьйренип юрюйген кочаплары да ортакъчылыкъ этгенлер ва ябушувларында яхшы натижалар гёрсетмеге де бажаргъанлар.

Масала, шо кочапларыбызны 15-16 йыл болагъанларыны арасындан: Умалат Гьажиев 48 кило авурукъдагъы кочаплар булан гюч сынап, 1-нчи ерни алмагъа бажаргъан. 52 кило авурлукъда ябушгъан Умалат Гьажиевлени (оьзгеси) 2-нчи ерге ес болгъан.

17-18 йыл болагъан кочапланы арасындан:

52 кило авурлукъда ябушгъан Шагьмурат Салаватов – 2-нчи, 60 кило авурлукъда ябушгъан Зиявутдин Къазакъбиев – 3-нчю, 60 кило авурлукъда ябушгъан Арсен Зайналов буса шо ярышларда 1-нчи ерлени къазангъанлар.

Эсли кочапланы арасындан:

52 кило авурлукъда ябушгъан Магьамматхан Са­лаватов – 2-нчи, 75 кило авурлукъда ябушгъан Салавутдин Абушев – 1-нчи, 80 кило авурлукъда ябушгъан Абдулгьалим Нуритдинов да шо ярышларда 1-нчи ерге ес болгъанлар.

Россия ярышларында алдынлы ерлени алма бажаргъан кочапларыбызны ва оланы тарбиялап ябушувланы къайдаларына уьйретип юрюйген тренерлерин етишген гезикли уьстюнлюклери булан биз де къутлайбыз.

Добавить комментарий

Добавлять комментарии могут только зарегистрированные и авторизованные пользователи. Комментарий появится после проверки администратором сайта.

2