Меню
16+

Сетевое издание «Будни района»

02.10.2020 10:27 Пятница
Категории (2):
Если Вы заметили ошибку в тексте, выделите необходимый фрагмент и нажмите Ctrl Enter. Заранее благодарны!

Яшланы сюювюн къазангъан

Автор: Калимат Элмурзаева

Яшгъа оьзюню юрек гьислерин, сюювюн, терен билимин бермек учун муаллимге нечакъы чыдамлыкъ герек.

Гьали мен оьзюню гьакъында лакъыр юрютеген Къарабудагъгент 5 номерли орта школада ишлейген муаллим Гьажиева Асият Нуритдиновна шолай муаллимни бири санала.

Ишлейген 31 йылны ичинде А.Гьажиева оьзю­ню юрек гьислерин, терен билимин охувчу яшлагъа савгъат эте ва оьз касбусуна толу кюйде берилип ишлей.

Асият Нуритдиновна 1964-нчю йылда Къарабудагъгент юртда тувгъан. Ол гиччиден берли муаллим болмагъа гьасирет болгъан. Школаны яхшы къыйматлагъа охуп битдирген сонг, ол Дагъыстан пачалыкъ педагогика институтгъа оьр билим алмагъа охумагъа тюше.

1988-нчи йылда охувун тамамлап, ол Тюменск областны Арамашевск районуну Арамашевск юртунда математика дарсдан муаллим болуп ишлемеге башлай.

1989-нчу йылда Къарабудагъгент юртдагъы коррекция школада ишин узата.

1997-нчи йылда Къарабудагъгент 5 номерли орта школада математика дарсдан муаллим болуп иш башлай. Математика дарс –охувчу яшлагъа бек къыйын дарсланы бири.

Дарсда охувчу яшланы тергевюн толу кюйде тарыкъ якъгъа янгыз дарсгъа бакъдырмагъа тыч болмай.

Шо саялы да оьзю оьтгереген дарсларында Асият Нуритдиновна яшлар англасын учун янгы методика къайдаланы къолламагъа гьаракат эте ва категориясын гётере.

Ол дарс беривню тюрлю- тюрлю къайдаларын къоллай туруп, яшланы ойларын янгыз дарсда юрюлеген темагъа бакъдырма бажара.

Асият Нуритдиновна ОГЭ ва ЕГЭ-леге онгарагъан охувчу яшлар экзаменлени бир де бермей къоймай, математика дарсдан оьтгерилеген олимпиадаларда алдынлы ерлени къазана.

Оьзю школада муаллим болуп ишлеген йылланы узагъында Асият Нуритдиновна коллективини арасында абур ва охувчу яшланы сюювюн къазанмагъа бажаргъан.

Ол охутгъан уланлар ва къызлар гьали гьар тюрлю ерлерде элге, халкъгъа пайдалы адамлар болуп чалыша.

А.Гьажиева – биринчи категориялы муаллим, ол школаны ва билим берив управлениени янындан кёп керенлер тюрлю гьюрметлев грамоталар булан савгъатлангъан.

Биз Асият Нуритдиновнаны етишип гелеген Муаллимни байрамы булан къутламагъа сюебиз ва ишинде уьстюнлюклер ёрайбыз.

Добавить комментарий

Добавлять комментарии могут только зарегистрированные и авторизованные пользователи. Комментарий появится после проверки администратором сайта.

5