Меню
16+

Сетевое издание «Будни района»

02.10.2020 10:13 Пятница
Категория:
Если Вы заметили ошибку в тексте, выделите необходимый фрагмент и нажмите Ctrl Enter. Заранее благодарны!

Рази къалдылар

Автор: Калимат Элмурзаева

«Лотос» деген ял алагъан ва савлугъун беклешдиреген комплекс гёзел Каспий денгизни къырыйында ерлешген.

Эгер бизин районда ва республикада яшайгъан ватандашлар ­оьзлени савлугъун беклешдирме сюе буса, онда барып ял алмагъа бола.

Шолай, 2020-нчы йылны сентябр айыны 15-нден-24-юне ерли «Лотос» деген савлугъун беклешдиреген ва ял алагъан комплексде РФ-ни Президентини грантлар береген фондуну кёмеги булан «Дыши полной грудью» деген проект оьтгерилди.

Оьтгерилген проектге гёре, республикадагъы медицина идараларда ишлейген 40-гъа ювукъ медицина къуллукъчулары мунда савлугъун камеллешдирмеге гелген эдилер.

Олар Магьачкъала, Дербент, Къарабудагъгент район ва башгъа тюрлю ерлерден гелип ортакъчылкъ этди.

Демек, шо проектге гёре, санаторийге ял алмагъа гелген къонакъланы ашаву президент грантдан таба гёрсетилген акъча маялардан, яшайгъаны буса «Лотос» СОК-ну янындан бериле эди.

COVID-19 аврув яйылгъан вакътиде «Къызыл зонада» ишлеген док­торлар 10 гюнню ичинде савлугъун беклешдиреген комплексге гелип ял алды. Шо гюнлени ичинде олагъа тюрлю-тюрлю реабилитация терапия чаралар оьтгерилди.

Демек, олар эртен таза гьавада денгизде зарядка, айрыча терен тыныш алагъан ва башгъа тюрлю савлукъгъа пайдалы упражнениелер эте эди.

Олай да, гелген къонакълар ялкъ­масын ва савлугъун беклешдирсин учун атларда къыдырыв «Иппотерапия», шахмат ва шашки оюн, адабият ахшамлар, поэтлер булан ёлугъувлар ва башгъа тюрлю чаралар оьтгерилди. Ял алагъан базада шо гюнлер Дагъыстан республиканы Жамият палатасыны, ДР-ни балжибинчилерини ассоциациясыны вакиллери, «VITERA» деген ичинде йоду булангъы витаминлер сатагъан кампанияны уьюрлери булан тюрлю пайдалы ёлугъувлар оьтгерилди.

РФ-ни Президентини грантлар береген фондуна «Дыши полной грудью» деген проектни якълагъаны ва оьзлеге ял алмагъа кёмек этген саялы медицина къуллукъчулар оьзлени атындан баракалласын билдирди.

Добавить комментарий

Добавлять комментарии могут только зарегистрированные и авторизованные пользователи. Комментарий появится после проверки администратором сайта.

3