Меню
16+

Сетевое издание «Будни района»

02.10.2020 11:31 Пятница
Категория:
Если Вы заметили ошибку в тексте, выделите необходимый фрагмент и нажмите Ctrl Enter. Заранее благодарны!

Къурулушлар юрюле

Гьаманда йимик, талатгюн, район администрацияны жыйынлар оьтгерилеген уллу залында районну администрациясыны аппаратыны гезикли генгеши оьтгерилди. Генгешни ишинде район администрацияны управлениелерини ва бёлюклерини ёлбашчылары, жаваплы къуллукъчулары ва районну ичиндеги юртланы башчылары оьзлени ортакъчылыгъын болдурдулар.

Оьтгерилген генгешни район администрацияны башчысыны биринчи орунбасары Ибрагьим Абдулмежитов ачды ва районну ичинде бугюн-буссагьат ишленип турагъан социал къурулушланы, ёлланы ва сув булан таъмин этив ишлени гьакъында баянлыкъ­лар берди.

И.Абдулмежитов оьзюню сёйлевюнде федерал ва республика проектлеге ва программалагъа гёре районну гьар юртларында оьтгерилеген ишлер гьакъда мекенли кюйде айтды.

Масала, Къакъашура, Дёргели ва Гьели юртларда жамиятны сув булан таъмин этмек учун кёп къадар иш гёрюлегенигьакъда айта туруп, шо ишлени яшавгъа чыгъармакъ учун аслу гьалда топуракъ гесеклени хас кагъызларын онгармагъа ва тийишли къурумларда мекенлешдирмеге гереклигин эсгерди.

Олай да, районну башчысыны биринчи орунбасарыны маълуматларына гёре, “100 школа” деген программагъа гёре районубузну ичиндеги 8 мактапда ремонт ишлер юрюлгенин эсгерди. Шоланы 6-сында ремонт ишлер тамамлангъан, къалгъан 2-синде ювукъ заманны ичинде тамамланмагъа тарыкъ.

И.Абдулмежитовну сёзлерине гёре, районну ичиндеги 16 мактапны пищеблокларына мекенли кюйде капитал ремонт этилмеге герек, гьатта бир-бир мактапларда янгы пищеблоклар къурулмагъа тарыкъ.

Шо саялы, тарыкълы актлар, экспертиза ишлер оьтгерилген. Топуракъ гесеклени кадастр гьисап­гъа салмагъа ва кагъызланы проектлерин ДР-ни экономика ва территориал ­оьсюв министерлигине тапшурмагъа тарыкълыгъын ачыкълашдырды. Шо ишлер оьз болжалында ва тийишли кюйде этилмесе, пищеблоклар ва дагъы да аслу ремонт ишлер яшавгъа чыкъмай къалмагъа болажагъын ол бирдагъы керен айтды.

Районну башчысыны биринчи орунбасары И.Абдулмежитов генгешде берген маълуматларына гёре, районну ичиндеги юртлар, бир мюгьлетин де зая этмейли, федерал ва республика даражаларда юрюлеген проектлерде ва программаларда гьаракатчы кюйде ортакъчы­лыкъ этмеге борчлу. Демек, халкъны яшаву ва турушу яхшылашсын учун юртларда социал къурулушлар къурулмагъа, ёллар ва орамлар онгарылмагъа, газ, ярыкъ ва сув булан таъмин этив тийишли даражада болмагъа герек.

Добавить комментарий

Добавлять комментарии могут только зарегистрированные и авторизованные пользователи. Комментарий появится после проверки администратором сайта.

4