Меню
16+

Сетевое издание «Будни района»

02.10.2020 10:40 Пятница
Категории (2):
Если Вы заметили ошибку в тексте, выделите необходимый фрагмент и нажмите Ctrl Enter. Заранее благодарны!

Гьаракатчы касбучу

Автор: Нюрсагьадат Изамутдинова

Белгили кюйде, гьалиги школа ва билим берив алда йимик тюгюл. Ону талаплары ва оьсювю алышынгъан. Школа система гюн сайын янгыртыла, билим беривде, технологияланы ва методикаланы къоллавда, тарбия беривде кёп алмашынывлар бар. Тек алда да, гьали де охувчулагъа мекенли билим бермеге гереги ачыкъ. Демек, билимлени къатты кюрчюсю болмаса, алгъа барыв болмажагъы мекенли.

Билимлени даражасын, сан янын оьсдюрювде оьз­лени гьаракатын болдуруп, ишине мекенли янашагъан, макътавгъа лайыкълы муаллимлер Къарабудагъгент 2 номерли орта школада да аз тюгюл. Оланы арасында муаллим Омарова Касиран Найипхановна да бар. Касиран Найипхановна школада орус тил ва адабият дарсланы юрюте. Ол оьр категориялы муаллим, район билим берив управлениени, Къарабудагъгент район администрацияны ягъындан кёп керенлер Гьюрметлев грамоталар булан савгъатлангъан.

Къарабудагъгент 2 номерли орта школаны коллективи бажарывлу ва гьаракатчы муаллим Касиран Омарова оьзлер булан ишлейгени саялы оьктем бола. Ол коллективни ичиндегилеге инамлы ёлдаш, бажарывлу муаллим ва тарыкъ болгъанда – кёмекчи де дюр. Касиран Омарова Къарабудагъгент 2 номерли орта школаны оьр къыйматлагъа охуп битдирген сонг, ДГПУ-гъа дагъыстан тиллени факультетине охума тюшген. 2003-нчю йылдан берли ол оьзю охуп чыкъгъан школада орус тил ва адабият дарсланы муаллими болуп ишлей.

Ишлейген йылларыны узагъында Касиран Найипхановна оьзю кёп сююп танглагъан касбусуну устасы гьисапда оьзюню ишин гёрсетме бажаргъан. Оьзю юрютеген предметни де, охувчуларын да сюеген муаллим ишинде яхшы гьасиллени гёрсетип юрюй. Ону охувчулары район олимпиадаларда, конкурсларда ортакъчылыкъ этип, алдынлы ерлеге ес бола, сан янлы билимлерин аян эте, ЕГЭ ва ОГЭ-лени уьстюнлю кюйде бере ва оьр баллагъа ес бола.

Къарабудагъгент 2 номерли орта школаны коллективи иш ёлдашы Касиран Найипхановнаны Муаллимни гюню булан къутлай туруп, огъар гележекде дагъы да уьстюнлюклеге етишмекни ёрай.

Добавить комментарий

Добавлять комментарии могут только зарегистрированные и авторизованные пользователи. Комментарий появится после проверки администратором сайта.

6