Гьал ёрукълашгъан
Алдагъы гюнлерде ДР-ни Башчысы Владимир Васильевни ёлбашчылыгъы булан коронавирус инфекцияны яйылывуну алдын алывну Оператив штабыны гезикли генгеши ВКС къайдада оьтгерилген. Генгешни барышында шагьарланы ва районланы башчылары булан Къарабудагъгент районну башчысы Магьмут Амиралиев де оьзюню ортакъчылыгъын болдургъан.
Республиканы ёлбашчысы В. Васильев генгешни барышында шону ортакъчыларын коронавирус инфекцияны бугюнгю гьалы гьакъда ювукъдан таныш этген. Демек, ол эсгерген кюйде, артдагъы жуманы узагъында аврувланы санаву 1,2 керенге кемиген.
Ачыкъ этип айтсакъ, алдагъы жуманы ичинде 1633 адам авругъан эди буса, оьтген жумада – 1385 адам авругъан. Артдагъы 2 гюнню ичинде больницадан 675 адам сав болуп чыкъгъан.
Олай да, больницалардагъы койкаланы 40 проценти бош экенлигин де ол аян этген. Демек, гюн сайын адамланы авруйгъанларыны санаву ёрукълаша юрюй деп эсгерген ДР-ни Башчысы В. Васильев.
Генгешни вакътиисинде регионну ёлбашчысы муниципал къурулувланы башчыларына шолай маълуматланы жыймагъа ва топламагъа тапшургъан. Айтагъаным, гьар гюнню узагъында нечакъы адам авруй, нечакъы адам больницадан сав болуп чыкъгъан, нечакъы койкалар бош.
Олай да, ДР-ни Башчысы Владимир Васильев оьзюню сёйлевюнде коронавирус инфекция аврув аслу гьалда къайдан яйылагъанын ва шону алдын алмагъа гереклигин мекенли кюйде билмеге чакъыргъан.
Сонг да, В. Васильев ВКС къайдада оьтгерилген генгешни барышында коронавирус аврувну яйылыву ёрукълашгъанны эсгере туруп, шону алдын алмакъ ва токътатмакъ учун тийишли къурумлагъа ва халкъгъа чаралар гёрмеге тапшургъан.
Добавить комментарий
Добавлять комментарии могут только зарегистрированные и авторизованные пользователи. Комментарий появится после проверки администратором сайта.
