Меню
16+

Сетевое издание "Району яшаву"  «Будни района»

02.10.2020 10:56 Пятница
Категории (2):
Если Вы заметили ошибку в тексте, выделите необходимый фрагмент и нажмите Ctrl Enter. Заранее благодарны!

Билим бермек мурады

Автор: Багьавутдин Самадов

Савлай элибизде нечесе миллионлар булан муаллимлер охувчулагъа билим ва тарбия бере. Бизин районда шолай муаллимлени санаву 1600-ге ювукъ бар. Олар оьзлени загьмат къысматын билим булан гё­нгюллю кюйде байлагъан. Бир юртда тувгъан ва оьсген къызлар, къысмат буюруп, ят юртлагъа эрге чыгъа. Шолайланы арасында Межитова Анав Абдулмуслимовна да бар.

Анав Межитова 1954-нчю йылда Къарабудагъгент юртда къуллукъчуланы агьлюсюнде тувгъан. Ата юртундагъы мактапны битген сонг, ол Буйнакск шагьардагъы педагогика училишени тамамлап, 1974-нчю йылда Къарабудагъгент 1 номерли орта мактапда башлапгъы класланы муаллими болуп загьмат ёлун башлай.

Агьлю яшаву оьзге юртда къысмат буюруп, Анав Межитова Уллубий­авулгъа гёче ва 1980-нчи йылда ондагъы мактапда билим берив ёлун давам эте.

Демек, Анав Межитова Уллубий­авул юртну яшларына гьарплар ва санавлар уьйретегени 40 йыл тамамлангъан. Шо вакътини узагъында ол гьар йыл 20-дан артыкъ охучугъа тарбия ва билим берген. Ону алдында 800-ден артыкъ яш билим алгъан десек, башгъа къопдурув болмас.

Ол билим берген яшланы ичинде кёп санавда муаллимлер, докторлар, тарбиялавчулар, бухгалтерлер бар. Олар юртда ва тышда уьлгюлю кюйде загьмат тёгелер.

Анав Межитова оьзюню ишинде яшланы пагьмуларын ачмагъа, оланы билимлени дюньясыны тамашалыгъына ва теренлигине сукъланмагъа уьйретген деп айтмагъа ярай.

Олай да, ол оьзюню чалышывунда инг башлап кёмеклешген иш ёлдашлары – Рабият Магьамматованы ва Гьажарисбат Халилованы атларын уллу гьюрмет кюйде эсгере. Демек, олар Анавгъа герти дослукъ ва иш аралыкълар юрютмеге уьйретген.

1995-2000-нчи йылларда А.Межитова юртдагъы мактапда башлапгъы класланы методика бёлюгюню ёлбашчысыны къуллугъунда ишлеген ва яш муаллимлеге кёп кёмегин болдургъан.

Озокъда, Анав Межитова дарс береген охувчулар школада оьтгерилеген байрам чараларда ортакъчылыкъ­ эте ва алдынлы ерлени ала.

Анав Межитовагъа школаны ва районну билим управлениесини атындан кёп санавда гьюрметлев грамоталар тапшурулгъан. Огъар «Загьматны ветераны» деген ат да берилген.

Анав Межитова уьягьлюсю булан бирче 5 яшны оьсдюрген ва тарбиялагъан.

Добавить комментарий

Добавлять комментарии могут только зарегистрированные и авторизованные пользователи. Комментарий появится после проверки администратором сайта.

9