Меню
16+

Сетевое издание «Будни района»

02.10.2020 11:25 Пятница
Категория:
Если Вы заметили ошибку в тексте, выделите необходимый фрагмент и нажмите Ctrl Enter. Заранее благодарны!

Бажарывлу сюрювчю

Къарабудагъгент районну администрациясы районну ичиндеги бажарывлу ва сынавлу механизаторланы ва трактористлени аян этмек муратда «Бажарывлу сюрювчю» деген конкурс билдирген эди.

Конкурсну шартларына ва талапларынна гёре, механизаторлар топуракъны сюрювде, тракторну гьайдавда ва авлакъда ишни юрютювде аманлыкъны техникасын кютювде оьзлени сынавун ва бажарывлулугъун гёрсетмеге герек эди.

Шоллукъда, алдагъы гюнлерде районда билдирилген «Бажарывлу сюрювчю» деген конкурс Къурбуки юртну авлакъларында оьтгерилди.

Конкурсда алты бажарывлу ва пагьмулу механизатор оьзлени ортакъчылыгъын болдурду. Олар барысы да конкурсну шартларына ва талапларына гёре иш юрютген.

Конкурсну судьялары чыгъаргъан гьасиллеге гёре, Гьели юртлу механизатор Агьмат Абдуллаев «Бажарывлу сюрювчю» деген конкурсну алдынлысы деген атгъа лайыкълы болгъан. Ол «Гусейнов Г.И.» ГКФХ-ны механизатору болуп загьмат тёге.

Олай да, конкурсну алдынлыларына грамоталар ва савгъатлар тапшурулгъан.

Шолай конкурс республиканы бары да районларында оьтгерилген ва шоларда алдынлы ерлени къазангъанлар республика даражада байсан айда (октябр) оьтгерилежек конкурсда ортакъчылыкъ этежек.

Добавить комментарий

Добавлять комментарии могут только зарегистрированные и авторизованные пользователи. Комментарий появится после проверки администратором сайта.

2