Аврувну алды алына
Къарабудагъгент район администрацияны жаваплы къуллукъчулары янгы коронавирус инфекцияны яйылывуну алдын алмакъ учун районну ичинде гёрюлеген чаралагъа ва профилактика ишлеге тергевюн болдургъан.
Демек, тергевню барышында олар маршруткаланы ва такси машинлени ёлавчулары (пассажирлери) булан англатыв лакъыр юрютген.
Олай да, рейдлени вакътисинде тергев болдурагъан жаваплы къуллукъчулар той мажлислер оьтгерилеген банкет залларда да болгъан. Демек, Роспотребнадзорну талапларын яшавгъа чыгъарывгъа тергев этген.
Банкет залларда тергевлени барышында маскалар гийилегенин, столланы социал арасы барлыгъын ва олай да термометрлер, дезинфекция алатлар, адамланы оьлченген иссилигин язагъан журналлар юрюлегенин тергеген.
Районну администрациясыны иш бёлюгюню жаваплы къуллукъчулары тергев чараланы барышында халкъгъа Роспотребнадзорну талапларын яшавгъа чыгъармакъны тапшургъан.
Добавить комментарий
Добавлять комментарии могут только зарегистрированные и авторизованные пользователи. Комментарий появится после проверки администратором сайта.
