Меню
16+

Сетевое издание «Будни района»

16.10.2020 09:11 Пятница
Категория:
Если Вы заметили ошибку в тексте, выделите необходимый фрагмент и нажмите Ctrl Enter. Заранее благодарны!

Налоглар жыйыла

Къарабудагъгент районну башчысы Магьмут Амиралиевни буйругъуна гёре, районну ичиндеги юртларда топуракъ, мюлк ва транспорт налогланы жыйылыву юрюле.

Шоллукъда, алдагъы гюнлерде район ва Дёргели юрт администрацияланы жаваплы къуллукъчулары ФССП-ни район бёлюгюню къуллукъчулары булан эсгерилген налогланы жыйылывун оьтгерген. Демек, олар гьар ожакъгъа гирип, ерли налогланы жыймакъны гьаракатын болдургъан.

Дёргели юртда оьтгерилген чарада къурулгъан 6 иш бёлюкню 5-иси, гьар абзаргъа гирип, топуракъ, мюлк ва транспорт налогланы жыйгъан.

Шо гюн оьтгерилген жаваплы ишде район администрацияны ва ФССП-ни къуллукъчулары налог къурумлар йиберген хас документлеге гёре, тирменни ягъасындагъы терминалда налогланы жыйылывун болдургъан.

Налогланы жыйывун оьтгерген хас иш бёлюкге район администрацияны башчысыны орунбасары Сапиюлла Сайитов ва налоглар жыягъан бёлюкню ёлбашчысы Элдар Гьюсейнов ёлбашчылыкъ этгенлер.

Олай да, чараны барышында борчу бар адамланы арасында англатыв иш юрюлген ва тюз тюгюл борчну тайдырмакъ учун налог къурумгъа арза бермеге таклиф этилген.

Дёргелиде оьтгерилген шо гюнгю чарада умуми алгъанда 67 минг манат налог жыйылгъан. Шо акъчаны 24 минг манаты – транспорт налог, 43 минг манат буса – топуракъ ва мюлк налоглар.

Добавить комментарий

Добавлять комментарии могут только зарегистрированные и авторизованные пользователи. Комментарий появится после проверки администратором сайта.

2