Меню
16+

Сетевое издание "Району яшаву"  «Будни района»

16.10.2020 09:00 Пятница
Категория:
Если Вы заметили ошибку в тексте, выделите необходимый фрагмент и нажмите Ctrl Enter. Заранее благодарны!

Медалистлер савгъатланды

Октябр айны 13-нде Къарабу­дагъгент район администрацияны залында 2019-2020-нчы охув йылны инг яхшы къыйматлагъа, демек, алтын медальгъа битдирген выпускниклени гьюрметлейген шатлы ёлугъув оьтгерилди. Залда олтургъан, чакъырып гелген макътавгъа лайыкълы выпускниклерибизни инг башлап районну башчысы Магьмут Амиралиев къутлады. Ол выпускниклеге оьзлер кёп сююп танглап, юреги ушатып тюшген оьр охув ожакъларда да уьстюнлю кюйде охумагъа ва битдирмеге къатты савлукъ ёрады.

Оьзюню сёйлевюнде районну башчысы гьаракат этип охуйгъан, уьстюнлю кюйде оьр охув ожакъны битдирген выпускниклеге иш ерлер тапма да рагьат, ишлеме де тынч болажагъын айтды. Неге тюгюл де, бажарывлу ва гьаракатчы касбучулар районгъа тарыкъ экенин эсгерди. Сонг сёйлеген район билим берив управлениени ёлбашчысы Т.Хизриева инг башлап школаны инг яхшы къыйматлагъа битдирген выпускниклеге, сонг оланы муаллимлерине ва ата-аналарына да баракалла билдирди. Сонг медалистлер: Алжанат ва Сапият Абдуллатиповалагъа, Нармина Багьавутдиновагъа, Сайгибат Гьажихановагъа, Биярслан Гьамитовгъа, Найида Хасаровагъа, Алпият Агъаевагъа, Зубайдат Исабековагъа, Найида Алиевагъа, Зумрут Гьамитовагъа, Зарема Гьасановагъа (Къарабудагъгент гимназия); Аминат Гьабилляевагъа, Женнет Гьюсеновагъа, Умукюсюм Ильясовагъа, Патиматзагьра Сайитовагъа (Къарабудагъгент 2 номерли орта школа); Сабина Межитовагъа, Динара Мутаевагъа, Айгюл Мугьутдиновагъа, Женнет Ширавовагъа (Къакъашура 2 номерли орта школа); Гюлзана Къурбановагъа (Аданакъ орта школа); Луиза Гьажиевагъа, Албина Шабанцаевагъа (Манасгент орта школа); Патимат Мугьажировагъа (Къарабудагъгент 5 номерли орта школа); Жабрайыл Багьандовгъа (Манас орта школа); Барият Бекишевагъа, Ажабика Гьапизовагъа, Мариям Межитовагъа, Мадина Шихалиевагъа (Къурбуки 1 номерли орта школа); Наират Магьмутовагъа, Гюлханым Данияловагъа (Къарабудагъгент 3 номерли орта школа); Рукъият Алиевагъа, Зарема Гьажиабакаровагъа, Анжела Магьамматовагъа (Зеленоморск орта школа); Патимат Мугьутдиновагъа, Саният Хизриевагъа, Нюрбике Къадыровагъа (Гьели орта школа) районну башчысы Магьмут Амиралиев ва районну социал сиясат управлениесини ёлбашчысы Гюлжанат Темирова билим берив управлениени атындан грамоталар, район администрацияны атындан багьалы савгъатлар тапшурду.

Добавить комментарий

Добавлять комментарии могут только зарегистрированные и авторизованные пользователи. Комментарий появится после проверки администратором сайта.

3