Меню
16+

Сетевое издание «Будни района»

16.10.2020 08:57 Пятница
Категория:
Если Вы заметили ошибку в тексте, выделите необходимый фрагмент и нажмите Ctrl Enter. Заранее благодарны!

Макътавгъа лайыкълылар

Автор: Нюрсагьадат Изамутдинова

Октябр айны 13-нде Къарабудагъгент район администрацияны жыйынлар оьтгереген залында сентябр айны 27-нде белгиленген тарбиялавчуну гюнюне, октябр айны 5-нде белгиленген Муаллимни гюнюне байлавлу болуп, районну яхшы иш гёрсетген тарбиялавчуларына ва муаллимлерине Баракалла кагъызлар, савгъатлар тапшурулду.

Шатлы чараны ачгъан ва юрютген районну башчысы Магьмут Амиралиев инг башлап район билим берив тармакъны къуллукъчуларын оланы касбу байрамлары булан къутлап, оьзлени бек къыйын, тек пайдалы ишинде дагъы да уьстюнлюклеге етишмек учун савлукъ, оьмюр ва кёп билимлеге гьасирет охувчулар ёрады. Сонг М.Амиралиев ва районну социал сиясат управлениесини ёлбашчысы Г.Темирова макътавгъа лайыкълы муаллимлеге Баракалла кагъызлар ва гюллер тапшурду. Шатлы ёлугъувда Уллу Уьстюнлюкню 75 йыллыгъыны гьюрметине багъышланып «Волна памяти» деген проектге гёре юрюлген «Женское лицо Победы» деген Бютюнроссия гьаракатны оьтгеривде, сонг да пандемияны заманында юрюлген «Вместе мы победим» деген гьаракатны оьтгеривде этген гёрмекли къошуму саялы, «Союз женщин Дагестана» деген Дагъыстан регионал жамият къурумну атындан район билим берив управлениени ёлбашчысы Т.Хизриевагъа, «Чебурашка» деген Манас посёлокдагъы 10 номерли яшлар бавуну ёлбашчысы С.Аминовагъа, «Ласточка» деген Паравул юртдагъы 7 номерли яшлар бавуну ёлбашчысы У.Изиевагъа, Къарабудагъгент 1 номерли орта школаны директору Р.Парзаевагъа, «Золушка» деген Къарабудагъгент юртдагъы яшлар бавуну ёлбашчысы Гь.Зайнутдиновагъа, Къарабудагъгент 3 номерли орта школаны директору Г.Зайнутдиновагъа, «Сказка» деген Къарабудагъгент юртдагъы 14 номерли яшлар бавуну ёлбашчысы Н.Къурбановагъа, Къакъашура 2 номерли орта школаны директору Г.Османовагъа ва Къакъашура 1 номерли орта школаны директору Р.Нуритдиновагъа Баракалла кагъызлар ва гюллер тупшурулду.

Добавить комментарий

Добавлять комментарии могут только зарегистрированные и авторизованные пользователи. Комментарий появится после проверки администратором сайта.

5