Меню
16+

Сетевое издание "Району яшаву"  «Будни района»

16.10.2020 09:17 Пятница
Категории (2):
Если Вы заметили ошибку в тексте, выделите необходимый фрагмент и нажмите Ctrl Enter. Заранее благодарны!

Гемодиализ бёлюк ачылды

Автор: Калимат Эльмурзаева

Барыбыз да билеген кюйде, 2019-нчу йылны декабр айында Къурбуки юртда 75 койкагъа ери булангъы янгы больница пайдаландырывгъа берилген. Демек, больница районну ватандашларыны савлугъун беклешдирмек учун янгы медицина техника алатлар булан къурашдырылгъан. Бу йыл октябр айны 9-нда Къурбуки юртдагъы участка больницада гемодиализ бёлюк ачылды.

Янгы бёлюкню ачылывунда ДР-ни савлукъ сакълав министри Жамалутдин Гьажиибрагьимов, Къарабудагъгент районну башчысы Магьмут Амиралиев, Къурбуки юртну башчысы Хабип Маматгереев, Къарабудагъгент район ЦРБ-ни баш врачы Расул Гьиравов ортакъчылыгъын болдурду.

Янгы ачылгъан гемодиализ бёлюк Къурбуки юртда­гъы участка больницада ерлешген. Бу бёлюкге ватандашланы узакълашгъан бюйрек аврувларын сав этмек учун 12 янгы аппарат гелтирилген.

Гемодиализ бёлюк эки сменде ишлежек.

Олай да, эсгерилген больницада мультиспиральный компьютер томограф булангъы кабинет де ачылгъан.

Гемодиализ этеген бё­люк – Къарабудагъгент, Сергокъала, Лаваша ва Акъуша районну территорияларында яшайгъан ватандашлар учун уллу кёмек.

Пациентлени сёзлерине гёре, артдагъы 8 йылны ичинде олар гемодиализни Магьачкъала шагьарда эте болгъан. Гьали буса ерли больницада, демек Къурбукиде этмеге имканлыкъ болажакъ.

«Биз оьлегенлени санавун кемитмек учун, олай да республикадагъы ватандашланы савлугъун беклешдирмек учун бизден болагъан гьаракатны этебиз. Ватандашланы савлугъу бизге бары затдан алда»,–деди ДР-ни савлукъ сакълав министри Жама­лут­дин Гьажиибрагьимов.

Чарада сёйлеген Къарабудагъгент районну башчысы Магьмут Амиралиев ДР-ни савлукъ сакълав министрине гемодиализ бёлюкню ачмагъа кёмек этгени саялы оьзюню баракалласын билдирди.

-Янгы больницаны ачылыву ва ондагъы техника коронавирусну инфекциясы яйылгъан вакъти бизге кёп кёмек этди.

Мен бары да акъ халатлылагъа районну ватандашларыны атындан баракалла билдирмеге сюемен, — деди Магьмут Амиралиев.

Къызыл лентни гесген сонг, гелген къонакълар янгы ачылгъан бёлюкню айланып чыкъды, пациентлер булан хабарлады.

Добавить комментарий

Добавлять комментарии могут только зарегистрированные и авторизованные пользователи. Комментарий появится после проверки администратором сайта.

5