Меню
16+

Сетевое издание «Будни района»

16.10.2020 09:26 Пятница
Категория:
Если Вы заметили ошибку в тексте, выделите необходимый фрагмент и нажмите Ctrl Enter. Заранее благодарны!

Гьелиде этни ишлетеген производство

Автор: Багьавутдин Самадов

Октябр айны 14-нде районну башчысы Магьмут Амиралиев, ДР-ни Гьукуматыны ёлбашчысыны орунбасары Гьажимагьаммат Гьюсенов, ДР-ни юрт хозяйство ва сурсат министри Абузагьир Гьюсейнов ёлдашланы узата туруп, Гьелиде къурулуп турагъан этни ишлетеген «Аль-Халифа» деген производствосунда болдулар.

Олай да, шо чарада «Даглизингфонд» ва «Корпорация развития Дагестана» деген акционер жамиятланы ёлбашчылары, районну администрациясыны башчысыны орунбасары Сапиюлла Сайитов, район администрацияны экономика бёлюгюню ёлбашчысы Фархат Магьмутов оьзлени ортакъчылыгъын болдурдулар.

Ёлугъувну барышында гьюрметли къонакълар къурурулуш юрюлюп турагъан майданчаны айланып чыкъдылар ва шо ерде инвестиция проектни гьакъында мекенли лакъыр этдилер.

Этни ишлетеген производствону гьакъында Ф. Магьмутов мекенли маълуматлар ва баянлыкълар берди. Ачыкъ этип айтсакъ, проектни умуми багьасы – 108 миллион манат. 2020-нчы йылны боюнда шо акъча маяны 74 миллион манаты харжлангъан ва шо къадарда иш этилген.

Олай да, «Аль-Халифа» деген производствону есилери оьзлени 25 миллион манат харжын салгъан, «Даглизингфонд» къураллар алмакъ учун 35 миллион манат гёрсетежек, «Корпорация развития Дагестана» деген акционер жамият 14 миллион манат харж этежек.

2021-нчи йылда буса 34 миллион манатны къадарында иш этилмеге гёз алгъа тутула. Демек, этни ишлетеген производство мекенли ишлетилмеге тарыкъ.

«Аль-Халифа» производствону ёлбашчылары эсгерген кюйде, эки сменни ичинде 50-ге ювукъ ишчи ишлемеге герек. Олар гьар айны ичинде 90 тон уллу мююзлю ва 100 тон увакъ мююзлю гьайванланы этин пайдаландырывгъа бережек.

Олай да, 1 айны узагъында 750 гьайванны соймагъа ва производствогъа йибермеге гёз алгъа тутула.

Ёлугъувну барышында ДР-ни Гьукуматыны ёлбашчысыны орунбасары Гьажимагьаммат Гьюсенов ДР-ни юрт хозяйство министерлигине, «Даглизингфонд» ва «Корпорация развития Дагестана» акционер жамиятланы ёлбашчыларына экология масъалалагъа да тергев бермекни тапшура туруп, юрт ерлерде производствону гьайын этеген ва далапчылыкъ булан тийишли кюйде чалышмагъа сюеген ватандашлагъа пачалыкъны янындан хас кагъызлар ва акъча маялар булан кёмеклешмеге тарыкълыгъын ташдырды.

Районну башчысы Магьмут Амиралиев районну ичинде далапчылыкъ булан машгъул болмагъа сюегенлеге имканлыкълар ва шартлар яратылагъанны ачыкъ этип сёйледи.

Добавить комментарий

Добавлять комментарии могут только зарегистрированные и авторизованные пользователи. Комментарий появится после проверки администратором сайта.

5