Меню
16+

Сетевое издание «Будни района»

16.10.2020 09:05 Пятница
Категория:
Если Вы заметили ошибку в тексте, выделите необходимый фрагмент и нажмите Ctrl Enter. Заранее благодарны!

Бёлюкге янгы бина

Октябр айны 14-нде Къарабудагъгент юртда Россияны ОМВД-сини Къарабудагъгент райондагъы бёлюгюнде ватандашланы бир ерден оьзге ерге гёчюв масъаласына къарайгъан бёлюк учун янгы бина пайдаландырывгъа берилди.

Райцентрда бёлюкню ачылывуна байлавлу шатлы чарада Дагъыстан республиканы ич ишлер министри, полицияны генерал-лейтенанты Абдурашит Магьамматов, Дагъыстан МВД-ни ватандашланы юрюв масъаласына къарайгъан управлениесини ёлбашчысы Магьаммат Магьамматов, «Къарабудагъгент район» муниципал районну башчысы Магьмут Амиралиев ёлдашлар ортакъчылыгъын болдурдулар.

Чарада ортакъчылыкъ этген жаваплы ёлдашлагъа ич ишлер къурумланы ишинде гёчюв (миграция) лап агьамиятлы ерни тута. Шо саялы ОВМ-ни къуллукъчуларына ва юзлер булан къуллугъу болуп гелген ёлдашлагъа тийишли шартлар болдурмакъ, къысгъа болжалны ичинде оланы тарыкълы къуллугъун битдирип ёлгъа салмакъ – шарт.

Алда бёлюк гиччи, полицияны бёлюгюню эсги бинасында ерлешген эди. Пачалыкъ къуллукъланы алма гелген ватандашлагъа тыгъыс шартларда къаравуллап турма тюше эди.

Чараны тамамланывунда республиканы ич ишлер министри Абдурашит Магьамматов районну жагьил ватандашларына паспортлар тапшурду. Министр уллу яшавгъа гирген ёлдашлагъа охувда оьрлюклер, къатты савлукъ, гёз алгъа тутгъан муратларына, къастларына етме насип ёрады.

Добавить комментарий

Добавлять комментарии могут только зарегистрированные и авторизованные пользователи. Комментарий появится после проверки администратором сайта.

4