Журналистлер булан ёлукъгъан
Январ айны 13-нде Дагъыстанны Башчысы Владимир Васильев журналистлер булан ёлугъув оьтгерген. Бир башлап регионну Башчысы чакъырылып гелгенлени Россияны печатыны гюню булан къутлагъан. В.Васильев маълумат къуралланы ролюну агьамиятлыгъы гьакъда айта туруп, гьалиги маълумат байлавлукъ технологиялар охувчулагъа, къаравчулагъа, интернет торун къоллавчулагъа диалог юрютмек учун янгы имканлыкълар ачагъанын эсгерген.
Сонг да, Дагъыстанны Башчысы ёлугъувну ортакъчыларын 2019-нчу йылда этилген ишлени гёзден гечирип гьасилин чыгъаргъан. Ону сёзлерине гёре, оьтген йыл приоритет проектлени яшавгъа чыгъарыв ва бизин регионну социал-экономикасын оьсдюрюв программалар булан толтурулгъаны гьакъда айтгъан.
- Биз барыбыз да экономиканы «къарангылыкъдан» чыгъармакъны, налог гелимни артдырмакъны уьстюнде ишледик, – деген Владимир Васильев.
Олай да, Дагъыстанны Башчысы халкъ сан янлы ичеген таза сув булан таъмин этилгенни, гьалиги ёлларда онгайлы экенни, дарман булан таъмин этивде медицина къуллукълар артгъанын эсгерген.
“Бизге республикада яшайгъанланы якълаву бек агьамиятлы, озокъда, сиз ортакъчылыкъ этмесегиз, шо ишни гёз алгъа гелтирме де къыйын. Демек, телекомпанияланы ведущийлери, редакцияны, печат къуралланы ва сет изданиелени, прес-къуллугъуну къуллукъчулары, олай да техника къуллукъчулар бек агьамиятлы маълумат ишлени юрюте,” деген ол.
Ону булан янаша ДР-ни Башчысы регионда таман чакъы къыйынлыкълар барны да эсгерген. Гележекде де гезиги булан масъалаланы чече туруп, тийишли борчланы юрютюп туражагъын аян этген.
Ёлугъувну барышында ДР-ни Башчысы яратывчулукъ ва касбу ишинде оьрлюклеге етишгенине ва «Мой Дагестан – комфортная городская среда», «Мой Дагестан – моя вода», «Мой Дагестан – мои дороги» деген аслу проектлерде актив кюйде ортакъчылыкъ этгени саялы СМИ-ни вакиллерине баракалла билдирген.
Олай да, чарада ДР-ни Гьукуматыны Председатели Артём Здунов, ДР-ни Гьукуматыны ва Администрациясыны ёлбашчысы Владимир Иванов, ДР-ни Гьукуматыны ва Администрациясыны Башчысыны Управлениесини маълумат сиясатыны ёлбашчысы Зубайру Зубайруев, ону орунбасары Юрий Гамзатов, ДР-ни Маълумат коммуникация ва байлавлукъ информатизацияны министри Сергей Снегирёв ва башгъалары ортакъчылыкъ этген.
Добавить комментарий
Добавлять комментарии могут только зарегистрированные и авторизованные пользователи. Комментарий появится после проверки администратором сайта.
