Чечен республикада ябушгъан
Басир Саралиевни уьстюнлюклери гьакъда янгыз районда тюгюл, савлай республикагъа да тезден белгили. Айтагъаным, ол къайда ярышларда болса да, ким булан гюч сынаса да, алдынлыкъны алмай туруп бир де къайтмагъан десек, ялгъан болмажакъ.
Гертилей де, Басир Саралиев шолай спортчуларыбызны бириси. Муна, ону артдагъы тутушуву Чечен республикасыны Урус-мартан юртундагъы Агьматны атындагъы спорт комплексинде оьтгерилген. 26-нчы декабрде оьтгерилген шо ярышларда Басир оьзюню 62 кило авурлугъундагъы чеченли кочап булан къошулчан ябушувлардан гюч сынагъан ва ону утуп, бирдагъы да алдынлыкъны алма бажаргъан. Биз оьрде эсгерген кюйде, Басир Саралиев ким булан тогъа тартса да, алдынлыкъны, уьстюнлюкню оьзгеге къоягъан кочап тюгюл. Шо саялы да биз ону уьстюнлюклери булан даим оьктем болабыз.
Добавить комментарий
Добавлять комментарии могут только зарегистрированные и авторизованные пользователи. Комментарий появится после проверки администратором сайта.