Алдынлыкъны алгъан
Бу йылны январ айыны 4-5-нде Бабаюрт районну Бабаюрт юртунда яш атлетлени ва юниорланы арасында авур атлетикадан Дагъыстанда биринчилик учунгъу ярышлар оьтгерилген.
Юрюлген шо ярышларда Къарабудагъгент ДЮСШ-синде тренер, бажарывлу штангист Абузагьир Исрапиловну уьйретивлери булан авурлукъ гётеривню къайдаларына уьйренип юрюйген штангистлери де ортакъчылыгъын болдургъанлар. Шоланы арасындан 35 кило авурлукъда ортакъчылыкъ этген Жамал Шамсутдинов, 93 кило авурлукъда ортакъчылыкъ этген Магьамматамин Зайнутдинов атлетлерибиз экиси де шо ярышларда 2-нчи ерлени алгъанлар. 61 кило авурлукъда ортакъчылыкъ этген штангистибиз Амирхан Ильясов буса 3-нчю ерге ес болгъан.
Добавить комментарий
Добавлять комментарии могут только зарегистрированные и авторизованные пользователи. Комментарий появится после проверки администратором сайта.
