Имканлыкълар ахтарыла
Бу йыл ишчилени, механизаторланы, касбучуланы гьаракаты булан гюнешни емишини тюшюмю яман гёрюнмей. Тюекде бар тюшюмню пуч этмей къолгъа алма бажарылса, 11 минг тондан къолай юзюм алма бола. Юзюм бар, тек юзюмчюлер бу йыл кёп загьмат тёгюп болдургъан тюшюмден къуванмай. Неге тюгюл, алывчу ёкъ. Алма гелгенлер де учуз алма сюелер. Шо себепден бир тайпалар юзюмню геч бишеген жураларын сакълавгъа салып, сонг базарлагъа чыгъарма ёллар ахтарып айланалар.
Районда «Герейтюз» агрофирма ООО-ну 400 тон емишлер сакълама болагъан холодильниклери бар. Предприятие сакълавгъа оьзюню юзюмюн салажакъ. Къалгъан ёлдашлар юзюмню сакълавгъа салма болагъан биналаны ижарагъа алгъанлар, алма айланагъанлар да ёлугъа.
Бу йыл юзюмчюлени сёйлевлерине къарагъанда, бир минг тондан къолай юзюм сакълавгъа салма умут этиле.
Шолай этип гьалдан чыкъма айланмаса, бу йыл юзюмчюлени къазанчы болмай къалма бола. Буссагьат юзюмюню оьзюне токътайгъан багьасы 18-20 манатдан оьте. Ломайлап алагъанлар «Августинни» 18-20 манатдан оьрде алмай. Юзюм жыйывчулагъа да гьакъ берип жыйдырса, юзюмню есине не къала?
Добавить комментарий
Добавлять комментарии могут только зарегистрированные и авторизованные пользователи. Комментарий появится после проверки администратором сайта.