Жая булан атышывдан ярыш
Спортну жая булан атышыв къайдасы арт вакътилерде бизин Къарабудагъгент районда аякъгъа туруп гюч ала бара. Айтагъаным, спортну шо къайдасындан бизде чакъда-чакъда ярышлар оьтгериле. Шо ярышларда ортакъчылыкъ этме сююп гелеген яшёрюмлени санаву да айдан-айгъа артып юрюй.
Муна алдагъы гюнлерде Къарабудагъгентдеги «Бекенез» спорт майданчада жая булан атышывдан гезикли район ярыш оьтгерилди. Шо ярышда ортакъчылыкъ этмек учун 13 йылдан 17 йылгъа ерли ва дагъы да уллу оьмюрдегилер, спортну шо журасыны усталары, гьасили, 80-ден де артыкъ окъ-жая атывчулар жыйылгъан эдилер.
Олар йылларына гёре айры-айры группалагъа бёлюнюп, жая атыв булан машгъул болдулар. Ярышны гьасиллерине гёре, 13 йыллыкъ спортчуланы арасындан: Осман Гьажиев – 1-нчи, Гебек Гебеков – 2 -нчи, Мугьаммат Гьажиев 3-нчю ерлени алдылар. 17 йылгъа ерли оьмюрдегилени арасындан: Магьаммат Ниъматуллаев – 1-нчи, Умар Гьажиев – 2-нчи, Аселдер Багьандов 3-нчю ерлеге ес болдулар. Уллуланы арасындан: Рашит Зайнутдинов – 1-нчи, Валиюлла Ниъматуллаев – 2-нчи, Салавутдин Абушев 3-нчю ерлени къазандылар.
Окъ жая атывну усталарындан:
Адилбий Къурбанов – 1-нчи, Болат Гьажиев – 2-нчи, Бийсолтан Жанбеков 3-нчю ерлени алма бажардылар.
Заманны да гьисапгъа алып тюз атышывчуланы арасындан: Казим Балашев – 1-нчи, Жамал Гьасанбеков – 2-нчи, Бийсолтан Жанбеков 3-нчю ерлеге ес болду.
Оьтгерилген ярышны бары да алдынлылары эсгерилген спортдан тренер, юрюлген ярышны сиптечиси Болат Гьажиевни ва «Мир ОКОН» деген компанияны ёлбашчыларыны янындан кубоклар, медаллар, грамоталар ва акъча савгъатлар булан савгъатландылар.
Добавить комментарий
Добавлять комментарии могут только зарегистрированные и авторизованные пользователи. Комментарий появится после проверки администратором сайта.
