Уллубийавул школада – ярмакю
Алдагъы гюн Уллубийавул юртну орта школасында 5-11-нчи класланы охувчуларыны арасында «гюзню аламатларына» багъышланып ярмакю оьтгерилген.
Шо ярмакюде гьар клас оьзлеге гёрсетилген сатыв этеген къапеселирин емишлерден, овошлардан ва оьзге тюрлю гюзде бишеген емишлеринден этилинген салатлар, компотлар, оьзлени усталыгъы булан гьазирленген тюрлю татлиликлер булан толумлашдыргъан. Озокъда, шо ишде охувчулагъа оланы ата-аналары да кёмеклешгенлер. Ярмакюдеги «гюзню аламатларында» этилген бары да ашамлыкълар ва оьзге тюрлю хаммаллар сатылып болдурулгъан акъча гьар класны оьз фондуна, гележек байрамланы кютмек учун пайлангъан. Охувчу яшланы гьаракаты булан къурулгъан шо гюнгю ярмакю ата-аналаны ва олай да, гелген алывчуланы арасында байрам даражадагъы шатлыкъны, татывлукъну тувдургъан.
Добавить комментарий
Добавлять комментарии могут только зарегистрированные и авторизованные пользователи. Комментарий появится после проверки администратором сайта.
