Профилактика дарс
Алдагъы гюнлерде Къарабудагъгент 2 номерли орта школада оьсюп гелеген яшланы терроргъа къаршылыкъ билдирив ойларын тувдурмакъ, терактлар болса не этмеге герегин уьйретмек, гьар тюрлю белгисиз затлагъа ва адамлагъа тергевлю болмагъа уьйретмек муратда «Всем миром против терроризма» деген профилактика дарс оьтгерилди.
5-нчи «а» класны ёлбашчысы Маржанат Умаева террорчулукъ къайдан баш алгъаны, артдагъы йылларда болгъан терактланы гьакъында охувчулагъа хабарлады. Оьзюню сёйлевюнде ол 2004-нчю йыл сентябр айны 1-нде Беслан шагьарда болгъан терактны натижасында болгъан тас этивлени гьакъында айрыча токътады. Шо гюнлерде, гечелерде аманатгъа «заложникге» алынгъан яшланы гьакъында хабарлады. Сонг ол яшлагъа жамият жыйылагъан ерлерде оьзлени нечик тутмагъа, не затлагъа, кимлеге тергевлю болмагъа гереги гьакъда айтды. Гьар не гьалда да инг башлап адам оьзюню къолгъа алып, тюз ойлашып билмеге ва къоркъмай эсин сакъламагъа герегин эсгерди.
Добавить комментарий
Добавлять комментарии могут только зарегистрированные и авторизованные пользователи. Комментарий появится после проверки администратором сайта.