Коррупциягъа къаршы...
Алдагъы гюнлерде Къарабудагъгент районну прокуратурасыны къуллукъчуларыны сиптечилиги булан Къарабудагъгент гиямназияда муаллимлер ва охувчулар булан ёлугъув оьтгерилди.
Шо ёлугъувда Коррупциягъа къаршы ябушувну Халкъара гюнюне багъышланып эсгерилген темагъа гёре лакъырлашывлар оьтгерилди. Чарада районну прокуроруну баш кёмекчиси Муртаз Гьажиев, районну башчысыны кёмекчиси Жалалутдин Жамалутдинов, яшёрюмлени Парламентини ёлбашчысы Абубакар Къаранаев, район билим берив управлениени ёлбашчысыны орунбасары Магьамматсайит Гьажимагьамматов, районну ОМВД-сини ПДН-ни старший инспектору Къазимагьаммат Канзитдинов, МФЦ-ни ёлбашчысы Жамал Гьабитов, УЖКХ-ны ёлбашчысыны орунбасары Шамил Алхасов ортакъчылыкъ этди. Олар муаллимлеге ва охувчулагъа коррупцияны, огъар гёре жавапчылыкъны, чиновниклер урушбат талап этсе, не этмеге гереги гьакъында хабарлады. Оьзлени сёйлевлеринде олар адамланы арасында демократияны, тюзлюкню ва низамны, адамланы ихтиярларын коррупция бек бузагъанын, жинаятчылыкъны, террорчулукъну артдырагъанын, олай да тюрлю халкъара къоркъунчлу гьаллагъа тарытагъанын айтды. Тек гьалиге коррупциядан къутулма бажарылмай турагъаны, бары да пачалыкъларда коррупция яшав сюрегени гьакъда аян этди. Шогъар къаршы ябушмакъ гьар ватандашны борчу экенни эсгерди.
Чараны барышында охувчулар прокуратураны къуллукъчуларына ва башгъаларына кёп санавда соравларын берип, олагъа жаваплар алды.
Добавить комментарий
Добавлять комментарии могут только зарегистрированные и авторизованные пользователи. Комментарий появится после проверки администратором сайта.
