Гьелиде спорткомплекс
Артдагъы бир нече йылдан берли бизин Къарабудагъгент районда спорт-масса ишлени юрютювге яхшы тергев берилме башлагъаны гьис этиле.
Айтагъаным, юртлардагъы школаларда, спортзалларда спорт инвентарлар янгыртыла, яшёрюмлер спорт булан даим машгъул болсун учун имканлыкълар йылдан-йылгъа яхшылаша. Муна, Гьели юртда бу йылны орталарында яшёрюмлер учун бары да онгайлыкълары булангъы топ ойнайгъан спорт майданча ачылгъаны барыбызны да эсибизде.
Арадан кёп де гетмейли, алдагъы гюнлерде гьелили яшёрюмлер учун бары да спорт имаратлары булангъы спорт комплекси де ачылды. Шо комплекс республиканы спорт ишлеге къарайгъан министерлигини, олай да районну ёлбашчыларыны гьаракаты булан «Спорт – норма жизни» деген федерал проектни яшавгъа чыгъара туруп амалгъа гелген. Гьелили яшёрюмлер, гьатта уллулар да оьзлер сюйген вакътисинде спорт комплексге барып къаркъарасыны савлугъун камиллешдирме болажакълар.
Добавить комментарий
Добавлять комментарии могут только зарегистрированные и авторизованные пользователи. Комментарий появится после проверки администратором сайта.