Бир заманда да унутулмажакъ!
Алдагъы гюн, демек, декабр айны 3-нде, Къарабудагъгент район адатлангъан маданият Центрында Белгисиз солдатны гюнюне багъышланып «Сени атынг белгисиз, сени Къоччакълыгъынг оьлмежек !» деген баш булан чара оьтгерилди.
Чарада Къарабудагъгент гимназияны ва 3 номерли орта школасыны охувчулары ортакъчылыкъ этди.
Къарабудагъгент 3 номерли орта школаны муаллими С.Багьриева охувчулагъа Белгисиз солдатны гюнюн белгилевню, шо гюнню маънасы гьакъда охувчулагъа хабарлады.
- Белгисиз солдатны гюню – Россияны календарында янгы белгиленеген эсделик тарх. Декабр айны 3-нде биз дав майданларда оьлюп, атлары белгисиз къалгъанланы эсге алабыз. 1966-нчы йыл 3-нчю декабрде белгисиз солдатны сюеги къардаш къабурлардан чыгъарылып Москвада Кремлни тамына гёмюлген. 1967-нчи йыл май айны 8-нде шо ерде «Белгисиз солдатны къабуру» деген мемориал архитектура ансамбль ачылгъан… — деп хабарлай Къарабудагъгентни Баш китапханасыны къуллукъчулары.
Шо гюн белгисиз солдатны къабуруну уьстюнде Макътавлукъну Сёнмейген оту да ягъылгъан. Шо от язда да, къышда да, гюндюз де, гече де сёнмей, халкъны эсинден Белгисиз солдатны тайма къоймай яллай. Уллу Ватан давда шо давну оту 5 млн адамны атын сама да белгили этмей ютгъан… Атлары белгили болмаса да, олар барысы да халкъланы эсинде даимликге къалгъан, наслудан-наслугъа эсделик гьисапда къалып юрюй деп хабарлай Къарабудагъгент 3 номерли школаны муаллими Н.Сайитова.
Чарада Къарабудагъгент гимназияны 4-нчю класыны охувчулары Белгисиз солдатгъа багъышлангъан шиъруланы гёнгюнден охуду.
Добавить комментарий
Добавлять комментарии могут только зарегистрированные и авторизованные пользователи. Комментарий появится после проверки администратором сайта.
