Асил юзю, алтын сёзю

Бу йыл да маданият къаланы ёлбашчылары Кюсюм Халилованы, Нурия­ханым Шамилованы, ЗОЖ клубну ёлбашчысы Патимат Агъаеваны, юрт администрацияны ёлбашчыларыны сиптечилиги булан аналагъа багьышлангъан чара оьтгерилди. Чарада Гьели мактапны муаллимлери, 7-10-нчу класланы охувчулары, Гьели мактапны китапханасыны ёлбашчысы Л. Абдусаламова,башлапгъы класланы муаллими У. Бийболатова, Гьели мактапны тарбиялав завучу Р. Ягьияева,чакъырылып гелген кёп аналар ортакъчылыкъ этди. Жыйынны ачгъан К. Халилова бары да гелген аналаланы байрам булан къутлады, олагъа савлукъ, насип, парахат яшав ёрады. Сёз берилген юрт администрацияны башчысы М. Догеев аналаны атына арив сёзлер айтды. Сонг 7-нчи «а» класны ёлбашчысы Б. Даниялова да аналаны байрамы булан къутлады, олагъа савлукъ, насип ёрады. Охувчу къызлар: Д. Абдусаламова, А. Абдусаламова, А. Жанибекова, П. Шейхова, Г. Къадырова, С. Къойчуева аналаны гьакъында сагьналашдырыв гёрсетди. Сонг врач А. Магьамматовагъа сёз берилди. Ол яшланы тарбиясы гьакъда арив хабарлады. 11 йыл ЗОЖ клубну юрютюп турагъан П. Агъаева бары да аналаны къутлады, олагъа савлукъ ёрады. Сонг Гьели мактапны муаллими У. Бийболатова гьалиги тарбиялавдан оьзлени яш заманындагъы тарбиялав адилли болгъаны гьакъда мисаллар гелтире туруп хабарлады. Сонг Н. Зубайылов аналагъа багьышлап йыр йырлады. 8-нчи «б» класыны охувчу къызы А.Жачаев язгъан «Ана юрек» деген, охувчу къыз С. Алигьажиева «Анама» шиъруланы гёнгюнден охуду. Сонг Гьели мактапда кёп йыллар лаборант болуп ишлеген Р. Атавумова бары да аналаны къутлап, яшлагъа пайдалы насигьатлар этди. Сонг юрт администрацияда ишлейген П.Абдусаламовагъа сёз берилди.Ол оьзюню анасы оьзлеге тёкген къыйыны гьакъда хабарлады. Жыйынгъа чакъырылгъан аналар Б. Магьамматовагъа ва А. Магьамматовагъа, администрацияда кёп йыллар бухгалтер болуп ишлеген Х. Хизриевагъа, З. Жаватовагъа, К. Абдусаламовагъа сёз берилди. Олар барысы да аналагъа савлукъ, оьмюр ёрады. Гьели мактапны завучу, 10-нчу класны ёлбашчысы Р. Ягьияева аналаны байрамын къутлады, дюньядагъы аналагъа кёп яхшылыкълар ёрады. Сонг охувчу къызлар А. Жаватова, Р. Гьажикъасумова, А. Акаева, Ж. Мугьажирова, А.Арсланбекова, Р. Латипова шаир Узлипат Ибрагьимованы «Кёрюкде» деген поэмасыны гесегин сагьналашдырып гёрсетди. Чараны ахырында Л. Абдусаламова аналаны байрам гюнюн къутлап, аналагъа багъышлап язгъан шиърусун охуду. Чара чай ичив булан узатылды.