Акцияда ортакъчылыкъ этди
Ноябр айны 28-нде Къарабудагъгент 2 номерли орта школаны 7-нчи класларыны охувчулары ёл юрюшде болгъан хатабалагьланы натижасында зараллангъанланы эсделигини Бютюндюнья гюнюне багъышлангъан акцияда ортакъчылыкъ этди. Олар ГАИ постну къырыйындагъы федерал трассада тематика флешмоб къуруп оьтгерди.
Оланы аслу мурады – ГИБДД-ни къуллукъчулары булан бирликде ёл юрюшню ортакъчыларын ёл юрюшде болгъан хатабалагьланы натижасында яшлар заралланагъаны гьакъда билдирмек ва машин гьайдавчуланы машин гьайдавда ёл юрюшню къайдаларын бузмай, сакълыкъны болдурма, ёлларда бек тергевлю болмагъа герегин англатмакъ эди.
Ёл юрюшню къайдаларына багъышлангъан флешмоб охувчуланы бек иштагьын гётерди. Олар ёл белгилер булангъы уллу плакатланы тутуп юрюдю. Флешмобну къурувчусу С.Османова ёл юрюшде аманлыкъны болдурув, сакълыкъ охувчулар учун бек пайдалы экенни эсгерди.
Добавить комментарий
Добавлять комментарии могут только зарегистрированные и авторизованные пользователи. Комментарий появится после проверки администратором сайта.
