Ёл ягъалар тазаланды
Юртланы халкъы сайлагъан депутатлар шо юртланы тазалыгъын, онда яшайгъанланы гьайын этмеге гереги ачыкъ.
Депутатланы бирлери шолай этме де эте. Къарабудагъгент юртдагъы «Къонгуравул» микрорайонда 3 номерли округда сайлангъан Элдар Абдуллагьатовну сиптечилиги булан Къарабудагъгент юртдагъы машин ёлну наслардан, балчыкъдан тазаламакъны гьайы этилген. «Къарабудагъгент юрт» муниципал къурулувуну ва «Карабудахкентское ДЭП № 17» ОАО-ну ягъындан этилген техника кёмек булан ёллардагъы наслыкъ жыйылгъан. Олай да, юртлу улан Гьасан Магьамматов ва Жамал Ягьияев де шо ишде техника булан кёмек этген. Тазалыкъ болдурув ишде юртну яшёрюмлери ва Жамият советни вакиллери оьзлени ортакъчылыгъын болдургъан.
«Къарабудагъгент юрт» администрацияны къуллукъчулары ва юртлулар тазалыкъ болдурувда кёмегин болдургъанлагъа барысына да разилигин билдире.
Добавить комментарий
Добавлять комментарии могут только зарегистрированные и авторизованные пользователи. Комментарий появится после проверки администратором сайта.
