Конкурс оьтгерилди

Конкурсну аслу мурады — школа чагъындагъы яшланы арасында ёл юрюшде болагъан хатабалагьланы ва заралланывланы алдын алмакъ ва оланы ёл юрюшню къайдаларына уьйретмек эди.

Бизин райондан шо конкурсда Паравул 3 номерли орта школаны охувчулары ортакъчылыкъ этди. Школаны директору А.Мусаев шо конкурсгъа яшланы гьазирлевге айрыча жаваплы янашды, олай да школаны вожатыйы А.Атаева яшланы уьйретивде бек гьаракатын болдурду. Командагъа къуршалгъан охувчулар: А.Магьамматова, С.Жанаева, И.Хизриев, М.Ба­широв, А.Ма­гьам­ма­това, А.Та­­таева, Р.Къур­банов, Р.Ба­гь­мутова, З.Ос­манова, М.Му­саев бек гьаракат этип конкурсгъа гьазирленген эдилер ва оьзлени гьюнерлерин гёрсетме бажарды.

Олар 3 тюрлю «Творческий конкурс по безопасности движения», «Лучшая форма ЮИД», «Лучший дневник работы ЮИД» деген конкурсланы гьасиллерине гёре 3-нчю ерге ес болду ва кубок булан савгъатланды. Дагъыстанны Гьукуматыны илму ва билим берив министри У.Омарованы атындан командагъа 3-нчю даражалы диплом, ёлбашчысы Аминат Атаевагъа Баракалла кагъыз тапшурулду. Команданы гьазирлевде районну ГИБДД-сини ёлбашчысы А.Гьажиевни насигьатлары да яшлар учун бек пайдалы болду.